ຂໍ້ມູນຄ່ານໍ້າຂອງລູກຄ້າ
ໂປຼແກຣມ ຂອງ ນໍ້າປະປານະຄອນຫຼວງ
ກ່ຽວກັບ ນປນຄ
ການບໍລິການ
ສູນຝຶກອົບຮົມ
ຕິດຕໍ່ສອບຖາມ
Latest Video
ຮູບພາບການເຄື່ອນໄຫວຕ່າງໆ
ສະຖິຕິຜູ້ເຂົ້າຊົມ
ກອງປະຊຸມສະຫຼຸບການຈັດຕັ້ງຝຶກອົບຮົມ ປະຈຳປີ 2019 ແລະ ແຜນການປີ 2020

16/12/2019

ກອງປະຊຸມສະຫຼຸບການຈັດຕັ້ງຝຶກອົບຮົມ ປະຈຳປີ 2019

ແລະ ແຜນການປີ 2020

  

         ໃນຕອນເຊົ້າ ຂອງວັນທີ 16 ທັນວາ 19 ທີ່ສູນຝຶກອົບຮົມວິຊາຊີບນ້ຳປະປານະຄອນຫຼວງວຽງຈັນ ໄດ້ຈັດກອງປະຊຸມສະຫຼຸບການຈັດຕັ້ງຝຶກອົບຮົມ ປະຈຳປີ 2019 ແລະ ແຜນການປີ 2020; ເປັນປະທານກອງປະຊຸມໂດຍ ທ່ານ ຄຳເຜີຍ ວົງສາຄຳຜຸຍ ຜູ້ອຳ ນວຍການ ລັດວິສາຫະກິດນ້ຳປະປາ ນະຄອນຫຼວງວຽງຈັນ, ທ່ານ ນາງ ເພື່ອນແສງ  ໄຊນາຄຳ ຮອງຜູ້ອຳນວຍການ ລັດວິສາຫະກິດນ້ຳປະປາ ນະຄອນຫຼວງວຽງຈັນ, ທ່ານ ໜູເຜືອກ ວິລະບຸດ ຊ່ຽວຊານວຽກງານນ້ຳປະປາ,​ ທ່ານ ຂັນທອນ ວໍລະຈິດ ຫົວໜ້າພະແນກນໍ້າປະປາ, ກົມນ້ຳປະປາ ກະຊວງໂຍທາທິການ ແລະ ຂົນສົ່ງ ນະຄອນຫຼວງ. ໂດຍມີຜູ້ເຂົ້າຮ່ວມກອງປະຊຸມ ຜູ້ອຳນວຍການ ລັດວິສາຫະກິດນ້ຳປະປາ ບັນດາແຂວງທົ່ວປະເທດ, ຜູ້ອຳນວຍການ ລັດວິສາຫະກິດ ກໍ່ສ້າງສະໜອງນໍ້າປະປາ ແລະ ສຸຂະພິບານ (ກສສ), ຜູ້ອຳນວຍການ ລັດວິສາຫະກິດ ວິສະວະກໍານໍ້າ ແລະ ສິ່ງແວດລ້ອມ (ວນສ), ຄະນະອໍານວຍການ ລັດວິສາຫະກິດນ້ຳປະປານະຄອນຫຼວງວຽງຈັນ, ວິທະຍາກອນຝຶກ ແລະ ບໍລິສັດຄູ່ຮ່ວມພັດທະນາ.

              ການຈັດຕັ້ງປະຕິບັດຝຶກອົບຮົມໃນປີ 2019 ສາມາດຈັດຝຶກອົບຮົມໄດ້ 87% ຕາມແຜນການປີ ໃນນັ້ນຈັດຝຶກອົບຮົມໃຫ້ພະນັກງານ ນປນຄ 211 ເທື່ອຄົນ, ຈັດຝຶກອົບຮົມໃຫ້ພະນັກງານ ນ້ຳປະປາຕ່າງແຂວງ 118 ເທື່ອຄົນ,ພະນັກງານ ກສສ 12 ເທື່ອຄົນ, ຈັດຝຶກອົບຮົມ ນອກແຜນການ ໄດ້ແກ່ ຝຶກອົບຮົມຮ່ວມກັບ UN-Habitat, ບໍລິສັດໄຟຟ້າເທີນຫີນບູນ ແລະ ບໍລິສັດທໍ່ນ້ຳລາວ ຈຳນວນທັງໝົດ 52 ເທື່ອຄົນ

              ພາຍຫຼັງສຳເລັດກອງປະຊຸມ ຄະນະຜູ້ແທນທີ່ເຂົ້າຮ່ວມໄດ້ໄປຢ້ຽມຊົມ ໂຮງງານຈຳລອງ ຫຼຸດຜ່ອນຄວາມຂຸ້ນຂອງນ້ຳຢູ່ອ່າງນ້ຳນອນ  (ການຮ່ວມມື ລະຫວ່າງ ບໍລິສັດ ໂຕກິມິ ແລະ ລັດວິສາຫະກິດ ນ້ຳປະປາ ນະຄອນຫຼວງ) ແລະ ກິດຈະກໍາກິລາບານເຕະມິດຕະພາບ ລະຫວ່າງ ລັດວິສາຫະກິດນ້ຳປະປານະຄອນຫຼວງ ແລະ ລັດວິສາຫະກິດນ້ຳປະປາບັນດາແຂວງທົ່ວປະເທດ.

 

ກັບຄືນ