ສະແດງ 1 - 8 ຂອງ 12
ຂັ້ນຕອນການຜະລິດນໍ້າ
ແຫຼ່ງນ້ຳທີ່ເອົາມາຜະລິດແມ່ນ ນ້ຳຂອງ, ນໍ້າງື່ມ ຊຶ່ງລະດູຝົນຄວາມຂຸ່ນຈະສູງເຖິງ 500 -1500 NTU ຫຼື ບາງປີ ຄວາມຂຸ່ນ ອາດສູງເຖິງ 3000 NTU ໃນຍາມແລ້ງຄວາມຂຸ່ນສະເລັ່ງແມ່ນ 5 - 100 NTU. ນ້ຳທີ່ບຳບັດແລ້ວຈະໃຫ້ຄວາມຂຸ່ນເຫຼືອພຽງ 3 - 5 NTU. CL2 ທີ່ຕົກຄ້າງປາຍທາງໃຫ້ ຍັງເຫຼຶອປະມານ 0.1 – 0.2 mg / L. ໂຮງງານຜະລິດນ້ຳປະປາຈິ່ນາຍໂມ້ສາມາດວິໃຈ ທາດທັງໝົດໄດ້ປະມານ 36 parameters. ມາດຕະຖານນ້ຳທີ່ຜະລິດອອກຈາກໂຮງງານແມ່ນຮັບປະກັນ ແລະ ຖືກຕ້ອງຕາມການອະນຸຍາດ ຂອງ ກົມ ອາຫານ ແລະ ຢາ ແລະ ບາງທາດແມ່ນໄດ້ຕາມມາດຕະຖານຂອງ WHO. ນອກນັ້ນ ທາງຫ້ອງວິໄຈນ້ຳຂອງພວກເຮົາຍັງໄດ້ຕິດຕາມ ແລະ ກວດກາຄືນ ໃນ 4 ໂຮງງານຕົວເມືອງຄື: ໂຮງງານນໍ້າປະປາ ຈີ່ນາຍໂມ້, ໂຮງງານນໍ້າປະປາ ເກົ້າລ້ຽວ, ໂຮງງານນໍ້າປະປາ ດົງໝາກຄາຍ, ໂຮງງານນໍ້າປະປາ ດົງບັງ ເຊິ່ງຈະລວມທັງໝົດແມ່ນ 98 ຈຸດ ໂດຍອີງຕາມແແຜນນ້ຳປະປາປອດໄພ.
ອ່ານເພີ່ມເຕີມ
ຂັ້ນຕອນການຜະລິດນໍ້າ (1) ໂປມດູດນໍ້າເຂົ້າ
− ເຊິ່ງຂັ້ນຕອນການຜະລິດນໍ້າເລີ້ມທຳອິດ ແມ່ນໂປມດູດນໍ້າຂອງໂຮງງານຜະລິດນໍ້າຈະດູດນໍ້າ ຈາກແຫລ່ງນໍ້າທີ່ເຮົານໍາມາຜະລິດ ເຊິ່ງແຫລ່ງນໍ້າທີ່ເຮົານຳມາຜະລິດ ຈະມີແມ່ນໍ້າຂອງ ແລະ ນໍ້າງື່ມເປັນແຫລ່ງນໍ້າຫລັກທີ່ມາຜະລິດເປັນນໍ້າປະປາ ໂດຍໂປມດູດນໍ້າຈະດູດນໍ້າເຂົ້າມາເກັບກັກໄວ້ອ່າງເກັບນໍ້າດິບ ແລະ ຈະສົ່ງໄປຫາຂັ້ນຕອນການປະສົມສານເຄມີເພື່ອຂ້າເຊື້ອພະຍາດ ແລະ ຜ່ານຂະບວນການຕ່າງໆ ເຊິ່ງທ່ານສາມາດເບິ່ງໃນຫົວຂໍ້ຕໍ່ໄປ
ອ່ານເພີ່ມເຕີມ
ຂັ້ນຕອນການຜະລິດນໍ້າ (2) ອ່າງປະສົມສານເຄມີ
− ຫລັງຈາກດູດນໍ້າດິບເຂົ້າມາຫາອ່າງເກັບນໍ້າດິບແລ້ວ ຂັ້ນຕອນຕໍ່ໄປກໍ່ປ່ອຍນໍ້າດິບເຂົ້າສູ່ອ່າງປະສົມສານເຄມີ ເພື່ອໃຫ້ສານເຄມີ ດັ່ງກ່າວສ້າງປະຕິກິລິຍາຈັບຕະກອນໃຫ້ເປັນກ້ອນ ແລະ ທຳລາຍເຊື້ອພະຍາດທີ່ມານຳນໍ້າ ຫລັງຈາກນັ້ນກໍ່ປ່ອຍນໍ້າທີ່ປະສົມສານເຄມີເຂົ້າໄປຫາອ່າງຕອງຊາຍ ເພື່ອກັນຕອງເອົານໍ້າທີ່ຂາວໃສອອກມາ ເຊິ່ງຂັ້ນຕອນດັ່ງກ່າວສາມາດເບິ່ງຂອງຫົວຂໍ້ຕໍ່ໄປ
ອ່ານເພີ່ມເຕີມ
ຂັ້ນຕອນການຜະລິດນໍ້າ (3) ອ່າງສ້າງຕະກອນ
− ອ່າງຕົກຕະກອນ 01 ຫຼື ອ່າງພັກນໍ້າ 01 ເປັນອ່າງໃຊ້ໄວ້ກັ່ນຕອງສານປົນເປື້ອນ ແລະ ຕະກອນທີ່ຈັບໂຕເປັນກ້ອນ ຫຼື ຕະກອນທີ່ຜ່ານອ່າງປະສົມສານເຄມີ ເພື່ອສ້າງຕະກອນຂຶ້ນ ແລະ ຈັບໂຕເປັນກ້ອນ ຫຼັງຈາກນັ້ນກໍ່ສົ່ງນໍ້າໄປຫາອ່າງຕົກຕະກອນ ຫຼື ເອີ້ນອີກແບບໜຶ່ງວ່າອ່າງພັກນໍ້າ ເຊິ່ງອ່າງຕົກຕະກອນເຮົາຈະແຍກເປັນ 02 ອ່າງຄືອ່າງຕົກຕະກອນ 01 ແລະ 02 ເພື່ອເພີ້ມປະສິດທິພາບໃນການກັ່ນຕອງໃຫ້ດີຍິ່ງຂຶ້ນ ເຊິ່ງສາມາດເບິ່ງລາຍລະອຽດໃນຫົວຂໍ້ຕໍ່ໄປ
ອ່ານເພີ່ມເຕີມ
ຂັ້ນຕອນການຜະລິດນໍ້າ (4) ອ່າງຕອງຊາຍ
ອ່າງຕົກຕະກອນ 02 ຫຼື ອ່າງພັກນໍ້າ 02 ເປັນອ່າງທີ່ເຮັດໜ້າທີ່ດຽວກັນກັັບ ອ່າງຕົກຕະກອນ 01 ຊຶ່ງທຳໜ້າທີ່ ກັ່ນຕອງສານປົນເປື້ອນ ແລະ ຕະກອນທີ່ຈັບໂຕເປັນກ້ອນ ຫຼື ຕະກອນທີ່ຜ່ານອ່າງປະສົມສານເຄມີ ເພື່ອສ້າງຕະກອນຂຶ້ນ ແລະ ຈັບໂຕເປັນກ້ອນ ໃຫ້ນອນໂຕລົງຢູ່ກົ້ນອ່າງ ເພື່ອແຍກນໍ້າໃສອອກຈາກຕະກອນທີ່ປົນເປື້ອນໄປດ້ວຍເຊື້ອພະຍາດ ເຊິ່ງເພີ້ມລະດັບການກັ່ນຕອງຂຶ້ນເປັນ 02 ເທົ່າ
ອ່ານເພີ່ມເຕີມ
ຂັ້ນຕອນການຜະລິດນໍ້າ (5) ອ່າງຕົກຕະກອນ1
ເມື່ອມາຮອດອ່າງຕອງຊາຍ ນໍ້າກໍ່ຈະຜ່ານເມັດຊາຍຈຳນວນ 3 ຊັ້ນ ເຊິ່ງຈະເປັນເມັດຊາຍພິເສດ ທີ່ນໍາມາກັ່ນຕອງນໍ້າປະປາສະເພາະ ຊຶ່ງເມັດຊາຍຊັ້ນສຸດທ້າຍຈະມີຂະໜາດນ້ອຍທີ່ສຸດ ແລະ ເປັນຂະໜາດທີ່ພິເສດ ມາກັ່ນຕອງເອົາຕະກອນອອກ ເພື່ອໃຫ້ໄດ້ນໍ້າໃສສະອາດ ຫຼັງຈາກນັ້ນກໍ່ສົ່ງນໍ້າໄປຫາອ່າງເກັບນໍ້າສະອາດ
ອ່ານເພີ່ມເຕີມ
ຂັ້ນຕອນການຜະລິດນໍ້າ (6) ອ່າງຕົກຕະກອນ2
ອ່າງເກັບນໍ້າສະອາດ ແມ່ນຈະລໍຖ້າເຂົ້າຜ່ານຂັ້ນຕອນການກວດກາຄຸນນະພາບເສຍກ່ອນ ເພາະນໍ້າໃສສະອາດກໍ່ຍັງມີພະຍາດທີ່ຄົນເຮົາບໍ່ສາມາດແນມເຫັນດ້ວຍຕາເປົາຕ້ອງໃຊ້ເຄື່ອງມືກວດສອບສະເພາະ ຈຶ່ງຈະສາມາດສົ່ງນໍ້າເຂົ້າໄປໃນເມືອງໄດ້
ອ່ານເພີ່ມເຕີມ
ຂັ້ນຕອນການຜະລິດນໍ້າ (7) ກວດກາຄຸນນະພາບນໍ້າ “ກວດແບບຊີວະ”
ການກວດແບບຊີວະພາບທາງນໍ້າປະປາຈະໃຊ້ເຄື່ອງມືກວດກາຄຸນນະພາບນໍ້າທີ່ທັນສະໄຫມໃຊ້ກວດກາສະເພາະ ວ່າມີແບັດທີເລຍບໍ່, ມີເຊື້ອພະຍາດຕົກຄ້າງໃນນໍ້າ ຫຼື ບໍ່ ຖ້າຫາກວ່າບໍ່ຜ່ານການກວດກາທາງດ້ານຊີວະພາບ ກໍ່ຈະ ໃຫ້ກັບໄປເລີ້ມຂັ້ນຕອນນັ້ນໃຫມ່ ຫຼື ປ່ອຍຖີ້ມເລີຍ
ອ່ານເພີ່ມເຕີມ
- ໜ້າທໍາອິດ
- «
- 1
- 2
- »
- ໜ້າສຸດທ້າຍ